Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
İsrail bütün telefonları sındırmaq üçün proqram hazırlayıb: Hansı ölkələrə satacaq?

İsrailin “Cellebrite” şirkəti mobil telefonlara giriş kodlarını sındırmaq üçün yeni avadanlıq buraxıb.

Şirkət iddia edir ki, onun vasitəsilə iPhone və iPad-in bütün modellərinə, Android sistemli bütün smartfonlara giriş mümkündür.

Bizimyol.info xəbər verir ki, yeni texnologiya “UFED Premium” adlanır. Bildirilir ki, bu texnologiya dünyanın 11 ölkəsinin, o cümlədən ABŞ, Kanada və Böyük Britaniyanın hüquq-mühafizə orqanlarının əməkdaşları üçün əlçatan olacaq.

Siyahıda Rusiya və digər post-sovet ölkələrinin olmadığı bildirilir.

Ancaq bir sıra ekspertlər yeni texnologiyanın İphone və iPad-ın son modellərinə giriş üçün kodu asanlıqla sındıra biləcəyinə şübhə ilə yanaşır.

“Formal olaraq, onlar bəyan edə bilərlər ki, bütün iPhone-ların kodunu sındıracaqlar. Ancaq axırıncı İOS versiyası olan yeni telefonların kodunun açılma sürətilə bağlı real texniki parametrlər haqda heç nə demirlər. Altı simvollu parolun tapılması illərlə çəkə bilər”, - “Group-IB”in kompüter kriminalistikası laboratoriyasının müdir müavini Sergey Nikitin BBC-yə bildirib.

Başqa bir ekspert Aleks Patsay BBC-yə deyib ki, iPhone-lara girişə imkan yaradan proqramların alqı-satqısıyla məşğul olan qara bazar var. Bu cür proqramlar milyonlarla dollaradır.

Ancaq bu proqramlar üzə çıxdıqca mobil telefon istehsalçıları da onlara qarşı əməliyyat sistemlərini yeniləyirlər: “Bu, sonsuz siçan-pişik oyunudur. Apple son vaxtlar təhlükəsizlik məsələlərinə çox diqqət yetirir”.

Paylaş »
››› Ulduz  falı: 09 dekabr, 2021-ci il – Parlaq və ruhlandırıcı hadisələrin günüdür
››› Manatı nə gözləyir: "Hökumət inflyasiyanı önləmək imkanına malik deyil"
››› Sonuncu xəbərdarlıq: "Əgər Zəngəzur dəhlizi açılmasa, Laçın dəhlizini bağlayacağıq"
››› “Bu, Azərbaycanın Qarabağdan sonra ikinci qələbəsidir” - İran və Gürcüstanla razılaşma
››› Ukrayna açıq şəkildə Rusiya ilə döyüşə hazırlaşır
››› Türkiyədə İbrahimoviçə qəzəbləniblər
››› Küçələrdə qəpik-quruş qazananlara hücum: Ləğv etmək, yoxsa səliqəyə salmaq...
Son xəbərlər
Bütün xəbərlər »