Futbol oyunlarında, adətən, çox qol vurulmur. Hər halda, şaybalı və ya otüstü hokkeydən az olur. Amma bir futbol oyununda 39 qol vurulub.

Bizimyol.info xəbər verir ki, Makao kubokunun “Ka Ay” – “Hanq Say” görüşü 21:18 hesabı ilə başa çatıb. “Macau Daily Times” nəşrinin yazdığına görə, futbolçular bilərəkdən qapılarından çox top buraxıblar. Onlar bu yolla Makao Futbol Federasiyasının milli komandanı Şri-Lanka ilə səfər oyununa yollamamaq qərarına etiraz ediblər.

Makao ilk qarşılaşmada rəqibini 1:0 hesabı ilə məşğub etmişdi. Şri-Lankada yaranmış gərgin siyasi duruma görə Makao Futbol Federasiyası risk etmək istəmir. Radikal qüvvələrin hücumları Şri-Lankanı təhlükəli əraziyə çevirib.

Federasiyanın qərarından sonra Makaonun bəzi futbolçuları milli komandadan imtina etdiyini bildirib.