“Los Del Fuego” musiqi qrupunun solisti Xuan Karlos Masçeroni Argentinada səhnədə çıxış edərkən infarkt keçirib və vəfat edib.

“Ölkə.Az” xəbər verir ki, solistin səndələyərək yerə yıxıldığı anlar tamaşaçılardan biri tərəfindən lentə alınıb.

Hadisə Argentinanın paytaxtı Buenos-Ayresdə baş verib. “Los Del Fuego” musiqi qrupunun 59 yaşlı solisti Xuan Karlos səhnədə çıxış edərkən qəflətən yerə yıxılıb. Yerli Argentina mətbuatı isə müğənninin infarkt keçirərək dünyasını dəyişdiyini yazıb.