Məşhur rəssam Klod Monenin əsəri yeni sahibini tapıb. “Ot tayası” Nyu-Yorkdakı “Sotheby’s” hərracında 110 milyon 747 min dollara satılıb.

Bizimyol.info xəbər verir ki, şedevrin yeni sahibinin adı açıqlanmır. Rekord qeydə alınıb. Çünki heç vaxt impressionistin hər hansı əsərinə bu qədər pul verilməmişdi.

Klod Mone, "Ot tayası" | Foto: REUTERS/Lucas Jackson

Mone rəsmi 1890-cı ildə Normandiyadakı Jiverni kəndində çəkib. Fransız rəssam bu qəbildən bir neçə əsər işləyib. Mone evinə yaxın ərazidə müşahidələrini kətan üzərinə köçürürmüş. O hətta ot tayasını günəş batanda və çıxanda ayrı-ayrılıqda rəsmə çevirib.

Martda Modenin başqa bir əsəri bu hərracda 36,4 milyon dollara satılmışdı.