Axşam.az bildirir ki, bu sözləri aparıcı İlqar Mikayıloğlunun həyat yoldaşı Zülfiyyə Bayramova sosial şəbəkədə yazıb. Özü də aparıcılıq edən və uzun müddətdir mədə xərçəngindən əziyyət çəkən Zülfiyyə ağır günlərdə yaşadıqlarını belə izah edib:
"Nazik ipin üzərindən hər an düşə bilərdim, bu da mənim izləyicilərim qarşısında uğursuzluğum olardı. Ancaq Allah o nazik ipi geniş bir yola çevirdi, hər dəfə büdrəyəndə sizin dualarınız məni ayaqda saxladı və mən bu yolu çox rahat keçdim.
Yolun başında isə mən də sizə qoşulub, o nazik ip üzərində gələnlərə dua etməyə başladım. Məhz o yolu rahat keçsinlər deyə. Bu əziz ayda dualarımız sizinlədir".
