Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Maşının nömrəsi ilə ölüm tarixi eyni oldu”: Telman Adıgözəlovun oğlu - Video

ARB TV-nin “Bu qədər” proqramının növbəti buraxılışında mərhum xalq artisti Telman Adıgözəlovun həyatından danışılıb.

"Ölkə.Az" xəbər verir ki, xalq artistinin sənət dostları, qohumları və ailə üzvləri onunla bağlı xatirələrindən danışıb:

Xalq artisti Hacı İsmayılov: “Telman adı kimi özü də gözəl idi. Biz ona adı gözəl, özü gözəl Telman deyirdik. Həmişə insanlara qəribə əhval ruhiyyə bəxş edərdi”.

Tural Adıgözəlov – Oğlu: “Hər bir insanla ünsiyyət qura bilirdi. Atam çox sadə, səmimi, hər şeyin yerini bilən ciddi biri idi. Onun üçün həyat tamaşası daha vacib idi. Uşaq vaxtı Balakəndə yıxlıb qolunu yaralamışdı. Nənəm onu çimizdirəndə qolundakı yara başlayıb çirk etməyə. Həkimə aparıblar müalicə ediblər amma qolu sağalmayıb. Deyiblər qolu çürüyəcək. Balakənin də torpağı rütubətli olduğu üçün sırf atamın qoluna görə Bakıya köçüblər. Bakıya köçməkləri də bir qismət imiş. Atam gəlib Bakıda aktyor oldu. Övladlarının heç bir xeyir işini, nəvələrini görə bilmədi. O vaxt köhnə maşın nömrəsi uzun müddət 57, 00 olub. Ölüm tarixi ilə təsadüf edir. Amma sırf 57 rəqəmindən qorxduğu barədə özündən heç nə eşitməmişəm”.

Cavid Telman – Tələbəsi: “Telman müəllim dərs başlayandan bitənə qədər bizə sadəcə dərsi deyil eyni zamanda həyat dərsini də öyrədirdi. O, heç vaxt heç kimin xətrinə dəyməzdi”.

Səfa Mehdi – Tələbəsi: “Məncə o özünü həyatda aktyor saymırdı. Həyatda yaxşı insan, səhnədə isə yaxşı aktyor idi. Məncə o fərqləri bilən adam idi. İnanmıram ki, o hansısa yerdə aktyorluq edərdi”.

Samir Adıgözəli – Qohumu: “Telman Adıgözəlov əgər aktyor olmasaydı bu gün o tanınmış ictimai xadim olardı”.

Qeyd edək ki, Telman Adıgözəlovun vəfatından 9 il ötür.

Son xəbərlər
Bütün xəbərlər »