Hər il “France Football” nəşri Avropanın ən yaxşı futbolçusuna “Qızıl top” mükafatı təqdim edir. Argentinalı ulduz Lionel Messi beş dəfə bu mükafata layiq görülüb.
Bizimyol.info xəbər verir ki, “Barselona”nın prezidenti Jozep Bartomeu “Mən Messiyə “Qızıl top”u verməzdim” söyləyib. Əlbəttə, zarafatla. Bartomeu klubun liderinin xeyli yüksəkdə dayandığını bildirib: “O, öz kateqoriyasında sərhədləri çox aşıb. Əla oyunçular var, amma Messi başqa ölçü məkanındadır”.
“Qızıl top” mükafatı futbolçulara 1956-cı ildən təqdim olunur. İlk dəfə xoşbəxtlik o vaxt “Blekpul”da oynayan Stenli Metyuza qismət olmuşdu.
10 ildir mükafatı yalnız “Barselona”nın və “Real”ın futbolçuları, o cümlədən Kriştianu Ronaldo alır.