Bununla yanaşı, layihə gənc istedadları dəstəkləmək, onların öz yaradıcılıq imkanlarını təqdim etməsinə yardım etmək niyyəti güdür.
Layihəyə indiyə qədər gənc istedadlar Yusif Rüstəmov, Cəlal Baba, Ədalət Ağaverdizadə cəlb olunub. Bakı Uşaq Teatrının bazasında hazırlanan məhsulların ərsəyə gəlməsində teatrın əməkdaşları da yaxından kömək edir. Teatrın aktyoru Rauf Hüseynli layihədə səs rejissoru kimi çıxış edir.
2019-cu ulin Azərbaycanda və bütün türk dünyasında İmadəddin Nəsimi ili kimi qeyd olunması münasibətilə layihə çərçivəsində ilk iş məhz böyük mütəfəkkirə həsr olunub. Belə ki, İmadəddin Nəsimin “Arzular” rədifli iki qəzəli əsasında kompazisiya hazırlanaraq Arzu Soltan (Arzu Bəyim) və Cəlal Baba tərəfindən ifa olunub.
Kompozisiya həm də Bakı Uşaqq Teatrının təşkil etdiyi “Nəsimi ili-Nəsimi dili” festivalında görüntülü olaraq səhnədə nümayiş olunub və Münsiflər Heyəti tərəfindən üçüncü yerə layiq görülüb.
Poeziya nümunələrini öz yozumunda təqdim edən “Arzuca” layihəsinin gənclərin ədəbiyyata, sənətə, şeirə, musiqiyə marağını artıracağına inanırıq.
