Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Putin Saakaşvilini müdafiə etdi

Rusiya prezidenti Vladimir Putin Ukraynadakı prezident seçkilərinin qalibi Vladimir Zelenskiyə ölkəsində insan haqlarının təmin olunmasına, məsələn, Mixail Saakaşvilidən başlamağı təklif edib.

Virtualaz.org xəbər verir ki, Putin jurnalistlərlə söhbətində belə deyib: “Azadlıqlara gəldikdə bu mənada hətta Rusiyadan, rusiyalılardan başlamaq yox, tutaq ki, gürcülərdən və ya keçmiş gürcülərdən başlamaq daha yaxşı olardı. Məsələn, keçmişdə gürcü olan, indi özünü ukraynalı hesab edən adama Ukrayna pasportunu qaytarmaq ədalətli olacaq. Mən Saakaşvili Mixail Nikolayeviçi nəzərdə tuturam”.

Putin xatırladıb ki, Saakaşvili “Ukrayna vətəndaşlığından qanunsuz məhrum edilib, ölkədən qanunsuz sürgün olunub və onu geri qaytarmaq, pozulmuş hüquqlarını bərpa etmək lazımdır. “Ukraynanın ölkəni tərk etməyə məcbur olmuş və bu günkü rejimin təqiblərindən yad ölkələrə sığınan bir çox digər vətəndaşlar kimi”-Putin deyib.

Rusiya prezidentinin Saakaşvilinin pozulmuş hüquqları haqda danışması və onu müdafiə etməsi istehza, yoxsa ciddi söhbət olduğu aydın deyil. Çünki bir vaxtlar Putin Saakaşvilini “müəyyən yerindən asmaqla” hədələyirdi və onların necə qatı düşmən olduqları məlumdur.

Hər halda Saakaşvili Putinin onun barəsində dediklərinə cavab verib.

“Bu həmin Putindir ki, 2017-ci ilin dekabrında mətbuat konfransında Poroşenkodan məni Ukraynadan deportasiya etməyi yüksəkdən tələb etmişdi (Poroşenko da bir ay sonra bunu etdi). Dəqiq bilirəm ki, məhz Siz Poroşenkodan 2014-cü ildə məni inaqurasiya mərasiminə dəvət etməməyi tələb etmişdiniz”-o özünün Facebook səhifəsində yazıb.

Paylaş »
››› “Camaat qərar gözləyirdi, bilmək istəyirik bayramdan sonra necə olacaq..."
››› Türkiyə polisindən azərbaycanlı fəalın ölümü barədə açıqlama
››› Avropa deputatları ermənilərə... "əsir" düşdü
››› Qaqauziya - Türkiyə-Rusiya qarşıdurmasının yeni mərkəzi!
››› Operativ Qərargahın brifinqi başlayıb - Canlı yayım
››› Müharibə iştirakçılarının intihar hallarının qarşısı necə alınmalıdır...
››› Nəhəng raket nəzarətdən çıxdı: Hansı şəhərlərə düşə bilər
Son xəbərlər
Bütün xəbərlər »