Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
"Formula 1-ə gələn turistlərin hər biri ölkəmizə ən azı 1000 dollar gəlir gətirir"

Formula 1 Azərbaycan Qran Prisinə tamaşa etmək üçün Bakıya gələn turistlərin hər biri ölkəmizə ən azı, 1000 dollar gəlir gətirir.

Bunu Trend-ə Azərbaycan Turizm Assosiasiyasının sədri Nahid Bağırov deyib.

Onun sözlərinə görə, Formula yarışına baxmağa gələnlər adətən, maddi imkanları yüksək olan fanat turistlər olurlar.

Bakıya gələn belə turistlərin daha çox 5 ulduzlu, müəyyən qisminin isə 4 ulduzlu hotellərdə qaldığını deyən N.Bağırov onların paytaxtımızın mərkəzindəki yerləşdirmə obyektlərinə üstünlük verdiklərini söyləyib.

O qeyd edib ki, Formula yarışlarına baxmağa gələnlər Azərbaycana adətən, 3 günlük səfər edirlər:

“Turizm şirkətləri də bunu nəzərə alaraq, Formula yarışlarının keçirildiyi dövr üçün turpaketlərini 3 günlük edir. Ona görə də gələn qonaqların 90 faizi Bakıda 3 gün müdətində qalır”.

N.Bağırov əlavə edib ki, yarışları izləyənlər adətən azarkeşlər olduqları üçün onların çoxu ölkəmizə ötənilki Formula yarışlarında gələnlərdir.

Assosiasiya sədri Formula yarışlarının Azərbaycanın turizm imkanlarının tanıdılması baxımından çox əhəmiyyətli olduğunu da söyləyib.

Qeyd edək ki, Azərbaycan paytaxtında 4-cü dəfə keçirilən Formula 1 yarışları aprelin 28-dək davam edəcək.

Formula 1 Bakıda 2016-cı ildən keçirilir. Azərbaycanda Qran Priyə tamaşa etmək üçün daha çox Rusiya, Böyük Britaniya, Gürcüstan, Niderland, Polşa, BƏƏ və Finlandiya vətəndaşları səfər edirlər.

Paylaş »
››› Zəngəzur gündəmi: “Azərbaycanlılar kiçik qruplarla irəliləyir, onların dayandırılması üçün əmr yoxdur”
››› Müharibə yoxsa sülh... - Qaragöldə nə baş verir?
››› Rusiyaya dost olmayan dövlətlərin siyahısı açıqlanıb
››› "Naxçıvan ordusu Zəngəzur dəhlizini bir günün içində açmağa qadirdir"
››› Sərhəddə nə baş verir və ya Qaragöl Ermənistanın əlinə necə keçmişdi...
››› Fransızların Qarabağ mövqeyi: “Makron burada mafiya ilə bacarmır, amma azərbaycanlılara dərs keçmək istəyir”
››› Rusiya daha 5 ölkə ilə uçuşları bərpa edəcək
Son xəbərlər
Bütün xəbərlər »