Əks cinsin xəyanət edib-etmədiyini bir sıra xırda detallardan da anlamaq mümkündür. Avstraliyalı elm adamları müəyyənləşdirib ki, sən demə, sadəcə, gözlərigözlərə baxmaqla da xəyanəti görmək olurmuş.

Bizimyol.info xəbər verir ki, bu araşdırmanı Qərbi Avstraliya Universitetinin əməkdaşları həyata keçirib. Araşdırmanın nəticələri “Royal Society Open Science” adlı elmi jurnalda dərc olunub. Tədqiqat zamanı 18-75 yaş arası 1500 nəfər qadın və kişi arasında sorğu keçirilib. Respondentlərdən xahiş olunub ki, onlara təqdim edilmiş fotolara baxıb, o adamların xəyanət edib-etmədikləri haqda fikir bildirsinlər. Ümumilikdə 189 nəfərin fotosu göstərilib.

“Fotoları görənlər tipik kişi cizgiləri – sərt, onu iradəli göstərən çənəsi, incə dodaqları, kaman qaşları olan kişiləri daha çox xəyanətkar hesab edib. Belə üz cizgiləri olanların özləri də etiraf edib ki, başqa cütlüklərin qadınlarını özlərinə bağlamaq kimi istəkləri olur”, - araşdırmanın nəticələrində belə yazılıb.

Maraqlıdır ki, bu cür cizgiləri olan kişiləri təkcə qadınlar yox, onların öz həmcinsləri də “xəyanətkar” adlandırıb.

Daha kobud üz cizgiləri olan qadınların xəyanətə nisbətən az meylli olduğunu düşünənlər var. Amma araşdırmaçılar bununla razılaşmır. Fikirlərini də belə izah edirlər: “Üzdəki makiyaja görə qadınlarla bağlı konkret rəy bildirmək, onların mimikalarını müəyyənləşdirmək çətinləşir”.