Sosial şəbəkələrdə yayılan hər məlumat doğru deyil. Arasında xeyli şayiə, heç bir fakta söykənməyən məsələ olur. Bizimyol.info bunları seçib, diqqətinizə çatdırır:
1. Şayiə: İnternetdən asılılıq xəstəlik sayılır.
Fakt: Yalandır, internetdən asılılıq psixi xəstəliklər siyahısında yoxdur.
2. Şayiə: “Mona Liza”nın qaşları yoxdur.
Fakt: “Mona Liza”nın qaşları var, sadəcə, restavrasiya zamanı silinib. O vaxt da qaşlarını təmizləmək vardı.
3. Şayiə: “İnsanları” tanıdıqca itlərə sevgim artır” (Henrix Geyne)
Fakt: Fikir təhrif olunmayıb, amma müəllif fransız qadın yazıçı de Sevinyedir.
4. Şayiə: Təkamül nəticəsində insanların boyu qısalıb.
Fakt: Əksinə, insanların boyu getdikcə artır. Avstralopiteklərin boyu 100-150 sm idi. XIX əsrin insanlarının orta boyu 164-166 sm sayılırdı. Bu müddətdə bəşər övladı boyunu daha 10 sm artırıb.
5. Şayiə: Uolt Disney Mikki Maus obrazının rəsmini çəkməklə siçan qorxusundan qurtulmaq istəyib.
Fakt: Əslində, Mikki Maus obrazını Ab Ayverks çəkib.
6. Şayiə: SSRİ (22,4 milyon kv. km) mövcudluğu dövründə həmişə dünyanın ən böyük dövləti olub.
Fakt: Keçən əsrin 20-ci illərində Britaniya İmperiyasının ərazisi daha böyük idi (35,5 milyon kv. km).
7. Şayiə: Çində “Foxconn” zavodunda bir “iPhone” telefonunu 5 saniyəyə düzəldirlər.
Fakt: Bir belə telefonun hazırlanması 24 saat aparır. Bunun 6-8 saatı proqramların yazılması və quraşdırılmasına gedir.
8. Şayiə: Yer kürəsində hər üç saniyədən bir uşaq doğulur.
Fakt: Bir saniyədə dünyaya 4 uşaq gəlir.
9. Şayiə: Günəş “sönsə”, Yer kürəsi 8 dəqiqə 20 saniyə sonra məhv olar.
Fakt: Belə olarsa, yalnız bir həftədən sonra Yer kürəsindəki orta temperatur 17 dərəcədən aşağı düşər.
10. Şayiə: Kişilərin doğmaq qabiliyyəti olsaydı, ağrıdan ölərdilər.
Fakt: Kişilərin ağrıya dözümü qadınlardan çoxdur.