Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
23 milyon dollarlıq zinət əşyasını dövlətdən oğurlanan pullarla alıb

Malayziya polisi sabiq baş nazir Nəcib Rəzzakın həyat yoldaşı Rozma Mansurun çəhrayı brilyantlarla bəzədilmiş 23 milyon dollarlıq unikal boyunbağını 1MDB dövlət investisiya fondundan oğurlanan vəsaitlə aldığını sübut edib.

Bunu polisin çirkli pulların yuyulması üzrə idarəsinin nümayəndəsi Xəlil Azlan deyib.

"Baş nazir Nəcib Rəzzakın iqamətgahında və mənzillərində axtarış zamanı həmin zinət əşyası tapılmasa da, boyunbağının Nyu-Yorkda satın alınmasına dair əlimizdə kifayət qədər sübut var”, - deyə hüquq-mühafizə orqanının nümayəndəsi bildirib. Onun sözlərinə görə, polis zinət əşyasının 1MDB fondunun vəsaiti hesabına alındığına əmindir.

Bir qədər əvvəl sabiq baş nazir boyunbağının həyat yoldaşına Əbu-Dabi şahzadəsi Məhəmməd bin Zaid Əl Nahayyan tərəfindən hədiyyə olunduğunu iddia edib.

Qeyd edək ki, bu həftə Rozma Mansura 1,2 milyon dollar həcmində rüşvət alması barədə yeni ittiham irəli sürüb. Yerli qanunvericiliyə əsasən, belə cinayətlərə görə 20 ilə qədər həbs cəzası verilir və zərərin beş misli həcmində cərimə kəsilir. Bundan öncə isə sabiq baş nazirin həyat yoldaşına çirkli pulların yuyulması və terrorun maliyyələşməsi ilə bağlı azı 17 epizod üzrə ittiham irəli sürülüb.

Nəcib Rəzzakın ev və mənzillərində aparılan axtarışlar zamanı külli miqdarda zinət əşyası, həmçinin bahalı dizayner çantaları aşkar edilib. Müsadirə olunan nağd pulların və bahalı əşyaların ümumi miqdarı təxminən 273,4 milyon dollar həcmində qiymətləndirilir. (Azertag.az)

Paylaş »
››› Lavrovun səfəri nə vəd edir: Qazaxın 7 kəndi müzakirə olunacaq
››› Azərbaycanlı ictimai fəal Türkiyədə ölü tapılıb: intihar, yoxsa qəsd...
››› Ramin Bayramlı 20-yə yaxın şəxsi işdən çıxardı
››› Ən güclü vaksini yaradan Türk professor pandemiyanın nə vaxt bitəcəyini açıqladı
››› Rüsum adı ilə vətəndaşdan yığılan pullar – Maya dəyərindən qat-qat baha sənədlər
››› "Space" TV-yə yeni rəhbər təyin olunub
››› Tanınmış prodüser və media adamı “Space”-nin yeni rəhbər təyinatını sərt tənqid etdi
Son xəbərlər
Bütün xəbərlər »