ABŞ-ın Şimali Karolina ştatında yaşayan Riçard Biar lotereyada 250 min dollar udub. O, pulların hamısını səyahətə sərf etmək qərarı verib.
Bizimyol.info xəbər verir ki, Biarın bir neçə lotereya biletindən biri onu varlandırıb. Qaraciyər xəstəliyindən əziyyət çəkən Riçard uduşu daşınmaz əmlaka və ya avtomobilə xərcləməyi mənasız sayıb. Çünki onun ölümünə çox qalmayıb. Biar səyahəti seçib. Onsuz da çoxdandır həyat yoldaşına İtaliyaya getməyi söz vermişdi.
Keçən il başqa bir amerikalı həm varlanmağın, həm də xərçəngə yoluxmağın yaşatdığı fərqli hissləri eyni vaxtda görmüşdü. ABŞ vətəndaşı lotereyada milyonçu olandan üç həftə sonra ağır xəstəlikdən vəfat etmişdi. Özü də amerikalı udanda xərçəngdən xəbərsiz imiş.