Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
“Villası olmaq Zeynəb Xanlarovanın ayıbı deyil” – Brilyant etiraz etdi
“Deyirlər, o padnosları cehiz aparanlar ölüb, Zeynəb Xanlarova yaşayır”

Xalq artisti Brilyant Dadaşova Zeynəb Xanlarovanın villasının fotosunun sosial şəbəkədə yayılmasına etiraz edib.

Minval.info xəbər verir ki, Dadaşova sosial şəbəkədə paylaşdığı videoda xalq artistinin tənqid edilməsinə etirazını bildirib:

“Qarşıma bir xəbər çıxdı, Zeynəb Xanlarovanın evinin fotosunu paylaşıb, “Zeynəb Xanlarovanın villası “ yazıblar. Bunu mənfi hal, onun ayıbı kimi qələmə veriblər. Zeynəb Xanlarovanın statusunda olan müğənnilərin nəinki vətənində, bir çox ölkələrdə villaları var. Zeynəb xanım dünyanı 2 dəfə dövr edib. O 50 ildir ki, Azərbaycan mədəniyyətini təbliğ edir. Xalq artistlərimizi, sənətkarlarımızı niyə gözdən salmaq istəyirsiniz? Türkiyədə mənə dedilər ki, Azərbaycandan, Zeynəb Xanlarovanın məmləkətindən gəlmisiniz? Mən fəxr etdim. Fəxr edilməli insanları niyə gözdən salmağa çalışırsınız. “Whatsapp” ilə bir-birilərinə üzərində Zeynəb Xanlarovanın şəkli olan padnosların fotolarını göndərirlər. Sosial şəbəkədə yazırlar ki, o padnosları cehiz aparan gəlinlər rəhmətə gedib, Zeynəb Xanlarova qalıb. Belə danışmaq böyük günahdır. Ölümü hamı dadacaq. Kiməsə ölüm arzulamaq günahdır”.

Qeyd edək ki, B. Dadaşova bir müddət öncə isə Afət Fərmanqızı ilə Flora Kərimovanın qalmaqalına münasibət bildirmiş, xalq artistinə dəstək olmuşdu.

Son xəbərlər
Bütün xəbərlər »