Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
"Onlar yalnız ödənişsiz ixtisas seçib" - O GƏNCLƏR BARƏDƏ AÇIQLAMA
Dövlət İmtahan Mərkəzi bu il 600-dən yuxarı bal toplayaraq ali təhsil müəssisəsinə qəbul olmayan abituriyentlərlə bağlı məsələyə münasibət bildirib.

DİM-in Mətbuatla iş və elektron kommunikasiya sektorunun müdiri Xanlar Xanlarzadə Lent.az-a açıqlamasında bildirib ki, həmin abituriyentlər ixtisas seçimi zamanı ərizələrində yalnız dövlət sifarişli plan yerləri yazıblar: “ DİM-in yaydığı məlumatda qeyd edilib ki, III ixtisas qrupunda 660-dan yuxarı bal toplayan 2 nəfər, IV ixtisas qrupunda isə 620-dən yuxarı bal toplayan 1 nəfər, 640-dan yuxarı bal toplayan 1 nəfər kəsilib və tələbə adını qazanmayıblar. III ixtisas qrupunda 668 bal toplayan abituriyent ərizəsində sadəcə BDU-nun “Hüquq fakültəsi”ni ( dövlət sifarişli) yazıb. Yəni, həmin abituriyent yalnız həmin ixtisas üzrə ödənişsiz təhsil almaq istəyib və başqa ixtisas üzrə oxumaq istəmir. Bu il isə BDU-da Hüquq ixtisası üzrə formalaşmış keçid balı 674-dür. Eyni zamanda 620-dən yuxarı bal toplayan abituriyent Azərbaycan Tibb Universitetinin “Müalicə işi” ( ödənişsiz) ixtisasında təhsil almaq istədiyindən ixtisaslaşmada ancaq o ixtisası qeyd edib. Ümumiyyətlə, hər bir abituriyentə imkan verilir ki, ixtisas seçimi zamanı ərizəsində 15-ə qədər ixtisas kodunu qeyd etsin. Yüksək bal toplayaraq heç bir yerə qəbul olmayan həmin abituriyentlər də ya bir ixtisas seçib ya da ancaq dövlət sifarişli yerlər yazdıqları üçün bal uyğun olmadığından müsabiqədən keçməyiblər”.

X.Xanlarzadə bildirib ki, keçid balları müsabiqə nəticəsində müəyyənləşir: “Abituriyentlər çox vaxt ixtisas seçimi edərkən ötən ilki keçid ballarına baxaraq istiqamət götürürlər. Car ilin keçid balları isə yalnız müsabiqə nəticəsində formalaşır”.

Paylaş »
››› Son Günəş tutulması bürclərə necə təsir edəcək
››› Tapdığı 2 milyonluq boyunbağını sahibinə qaytardı, təhqir olundu
››› TƏBİB və Səhiyyə Nazirliyinin Operativ Qərargahdakı rolu nədir?
››› Ulduz  falı: 06 dekabr, 2021-ci il – Qazanclı sövdələşmələr, yaxşı alışlar mümkündür
››› Ermənistan 10 hərbçisini geri alaraq mina xəritələrini verib
››› Partlayışın nüvə obyektləri ilə heç bir əlaqəsi yoxdur
››› Bakı metrosunda qatar stansiyaya daxil olarkən sərnişin relsin üstünə düşüb
Son xəbərlər
Bütün xəbərlər »