Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Hitlerin doğulduğu ev satıldı - neonasistlərin ziyarətgahı idi

Üçüncü reyxin rəhbəri Adolf Hitlerin doğulduğu evlə bağlı söz-söhbət səngimir. Avstriya hökuməti evin sahibəsi ilə qiymətdə razılığa gələ bilmir.

Bizimyol.info xəbər verir ki, əvvəlcə evin 310 min avroya alınmasından söhbət gedirdi. Gerlinde Pommer məbləğlə razılaşmadı. İşə Avstriyanın Braunau-am-İnn şəhər məhkəməsi baxmalı oldu. İndi məhkəmənin qərarına görə hökumət Pommerə 1,5 milyon avro ödəməlidir.

Avstriya maliyyə prokurorluğu hesab edir ki, qiymət çox şişirdilib. Çünki hökumət indiyə qədər Pommerə müəyyən məbləğ ödəyib. Üstəlik, bina qorunub, onun yaxşı qalması üçün pul xərclənib.

Digər tərəfdən, evin tarixi əhəmiyyəti çox böyükdür. Qiyməti yüksəldən də məhz bu amildir.

Hitler bu evdə 1889-cu il aprelin 20-də doğulub. Pommerin ailəsi 100 ildən çox bu evin sahibi olub. 2016-cı ildən bina hökumətin balansına keçib. Amma qiymət məsələsi açıq qalmışdı. Tərəflər bir ildən çoxdur məhkəmənin qərarını gözləyirdi.

Ümumiyyətlə, Avstriya hökumətinin bina ilə bağlı narahatlığı çoxdur. Çünki neonasistlər Hitlerin doğulduğu evə xüsusi maraq göstərirlər. Bura bir növ ziyarətgah kimi yanaşırlar.

Paylaş »
››› İlham Əliyev: "Beş rayonun, demək olar ki, hamısı işğaldan azad edilib"
››› Hikmət Hacıyev: "“FranckMuller” saatlarının banisi Kəlbəcərdə qanunsuz qızıl axtarışı ilə məşğul olub"
››› 76 ildən sonra bu gecə ilk dəfə dünyanın hər yerindən nadir təbiət hadisəsi görünəcək
››› Azərbaycanın işğaldan azad olunmuş Vejnəli qızıl yatağı
››› Ceyhun Bayramov ATƏT-in Minsk Qrupunun həmsədrləri ilə görüşüb
Son xəbərlər
Bütün xəbərlər »