Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Rusiyada məmur pendirə hökm oxudu və od vurdu - Video

Rusiyanın Saratov vilayətində Avropada istehsal olunmuş və sanksiyaların təsiri altına düşdüyü üçün satışdan yığışdırılan pendir “Rosselxoznadzor”un regional idarəsinin rəhbərinin “hökm oxumasının” ardınca yandırılıb.

Bizimyol.info Virtualaz.org-a istinadən xəbər verir ki, satışdan yığışdırılan pendirin ümumi çəkisi cəmi 12.6 kiloqram olub. Söhbət sahibkarlardan götürülən üç partiya pendirdən gedir.

Pendirin utilizasiyası prosesini “Rosselxoznadzor” videoya çəkib. Videorolikdən görünür ki, “Rosselxoznadzor”un yerli idarəsinin rəhbəri həmin məhsulun Rusiya ərazisinə gətirilməsinin qadağan olunduğu barədə sənədin mətnini oxuyur. Sənəddə deyilir ki, hökumətin 2014-cü ilin avqustunda qəbul etdiyi qərara əsasən Avropa İttifaqı ölkələrində istehsal edilən bu kimi ərzaq məhsullarının Rusiyaya idxalı qadağandır. Məmur daha sonra müsadirə olunan pendir partiyalarının ayrılıqda çəkisi haqda məlumat verir, onun məhv edilməli olduğunu bildirir.

Uzun-uzadı mətni oxuduqdan sonra məmur pendir qutularını konteynerə atır və üstünə benzin töküb od vurur.

Bu video sosial şəbəkələrdə geniş müzakirə olunub və istifadəçilər məmurun çıxışını “pendirə hökm oxunması” kimi qiymətləndiriblər.

Rusiyada sanksiyaların təsiri altına düşən Avropa mənşəli ərzaq məhsulları vaxtaşırı olaraq bu cür yandırılır. Hərçənd Rusiya hökumətinin sanksiyalar altına düşən ərzaqlarla mübarizə aparmaqda o qədər də effektli olmadığı bildirilir.

2014-cü ildə Avropa İttifaqı Rusiyanın Krımı ilhaq etməsinə və Donbassda baş verənlərə görə Moskvaya qarşı sanksiyalar tətbiq edib. Buna cavab olaraq Rusiya Avropadan ərzaq və kənd təsərrüfatı mallarının idxalına qadağa qoyub.

Paylaş »
››› "2 milyona yaxın insan üçün kommunal qiymətlərin artması kompensasiya ediləcək"
››› İnsanlar həyatlarının son saniyələrində nə arzulayır...
››› ARB-nin canlı efirində gərgin anlar yaşanıb
››› Bill Qeytsin qızının toyu İslam adətləri ilə keçirilib
››› Evi yanan şəhid anası çöllərdə qalıb: “İcra başçısı başından edir”
››› İcra Hakimiyyətindən şəhid anasına hədə-qorxu: “Bir də şikayət etsə...”
››› Azərbaycan elminin yüksək nüfuzunu nümayiş etdirən hadisə
Son xəbərlər
Bütün xəbərlər »