Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Gürcüstan Rusiya qazı xeyrinə Azərbaycandan imtina edirmi? - Açıqlama

Gürcüstan hökuməti müddəti başa çatmış müqavilənin müddətini uzatmaq məqsədilə "Qazprom"la danışıqlar aparır. Gürcüstanın iqtisadiyyat naziri Georgi Kobuliya isə deyir ki, inhisarçılıq mühitini aradan qaldırmaq və yeganə Azərbaycanın deyil, Rusiyanın da Gürcüstana qaz satmasının tərəfdarıyıq. Həmçinin o əlavə edib ki, bu rəqabət mühiti yaradacaq ki, bu da qiymətlərə öz təsirini göstərəcək:

“İstəmirik ki, inhisarçı vəziyyət yaransın və Azərbaycan yeganə təchizatçı kimi çıxış etsin. İstəyirik ki, Azərbaycan olsun. Amma bir qədər də Rusiyadan qaz alaq. Əhalimiz və şirkətlərimiz bundan böyük fayda götürəcəklər. Minimal rəqabət yaranacaq və bu. Özünü qiymətlərdə göstərəcək”.

Məsələ ilə bağlı Bizimyol.info-ya danışan Neft Araşdırmaları Mərkəzinin rəhbəri İlham Şaban bildirib ki, rəsmi Tbilisi Rusiyadan qaz almaq istəyini ortaya qoyub və bunu da heç bir siyasi və antiazərbaycan meylləri kimi qiymətləndirmək doğru deyil:

İlham Şaban

"Azərbaycanın bəzi KİVlərinin “Gürcüstan Rusiya qazı xeyrinə Azərbaycandan imtina edir” başlıqlı yazıları boş və mənasız bir şeylərdir. Rəsmi Tbilisi Rusiyadan qaz almaq istəyini ortaya qoyub və bunu qaz mənbələrinin şaxələndirilməsi, enerji təhlükəsizliyinin dayanıqlığı amili ilə əsaslandırıb. Burada heç bir siyasi və ya antiazərbaycan baxışlı addımlardan söhbət gedə bilməz. Əks təqdirdə Türkiyə öz bazar ehtiyaclarının 15%-dək hissəsini ən bahalı İran qazı hesabına ödəyirsə, demək Ankara dost və qardaş Azərbaycana “xor baxır”? Əlbətt də ki, yox! Burada məsələ bazarda qiymətlərin tənzimlənməsi məsələsində İran faktorundan gedir. Eləcə də Gürcüstan. Rəsmi Tbilisi gözəl anlayır ki, cəmi 2 ildən sonra Azərbaycan qazının tranziti hesabına onun daxili bazarına ildə 1 mlrd m3 mavi yanacaq daxil olmağa başlayacaq. Bu, Gürcüstanın ümumi istehlakının 40%-i deməkdir. Azərbaycan Rusiyadan fərqli olaraq tranzitə görə pulla deyil, natura ifadəsində ödəniş edir və bu Gürcüstan üçün çox sərfəlidir. Ancaq Gürcüstan Rusiyadan öz istehlakının 15-20%-i qədər kommersiya qazı idxal edərsə, bunun Azərbaycana nə ziyanı? Əslində biz Qərbdə çox yaxşı bir İMİC qazanmış olarıq ki, qonşunun bazarında monopolist deyilik və rəqabət şəklində öz qazımızı satmaqla məşğuluq".

Bizimyol.info

Paylaş »
››› Türklərin boykot etdiyi fransız brendləri: “Chanel”, “Christian Dior”, “Renault”...
››› “Bizim üçün ağrılı olan güzəştlərə getməyə hazırıq” - Paşinyan
››› Paşinyan bədbin danışdı: “Atəşkəsi təmin edə bilmirlərsə...”
››› Putindən NATO-ya təklif
››› Erməni əsgəri öz ordularındakı acınacaqlı vəziyyəti, ruh düşkünlüyünü və özbaşınalığı görüntüləyib - Video
Son xəbərlər
Bütün xəbərlər »