Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
100 il sonra ilk dəfə: Qara leopardın görüntüsü - Foto

Nəsli tükənən heyvanların siyahısında olan qara leopardın 100 il sonra fotoları çəkilib.

Onun fotolarını Uill Berrard Lukas adlı fotoqraf çəkib. Bu növ leopardın ən son görüntüsü 1909-cu ildə çəkilib.

Bizimyol.info Musavat.com-a istinadən xəbər verir ki, fotolar Keniyada meşəlik bir ərazidə çəkilib. Onu digər leopardlardan fərqli edən tək şey rənginin qara olmasıdır. Rənginə görə gecələr onun yalnız gözlərini görmək mümkündür. Bu növ leopardın törəməsi genetik dəyişikliklər nəticəsində olur. Lakin bu, çox nadir görülə və tapıla bilən heyvan növüdür. Xüsusilə də onu vurğulamaq lazımdır ki, bu leopardlar çox səssiz hərəkət edən və tənha yaşamağı bacaran heyvanlardır.

Bir əsrdir ki, fotoları çəkilə bilməyən bu leopard növü yalnız Keniyada Laikipa adlı ərazidə mövcuddur.

Onun fotolarını çəkən fotoqraf bunları deyib: "Qara leopardın Laikipa ərazisində görüldüyü barədə dedi-qoduları eşitməyə başladım. Hazırlaşıb Keniyaya, həmin əraziyə gəldim. Sözügedən ərazidə müxtəlif yerlərə fotoaparatlar yerləşdirdim. 5 gün o leopardın gəlməsini gözlədim. Fotoaparatları toplayıb, yoxlama apardıqda gözlərimə inana bilmədim. Həmin leopardın fotoları kameramda mövcud idi".

35 yaşlı fotoqraf onu da bildirib ki, bu qara leopardın fotosunu çəkmək onun gənclik arzusu imiş.

1909-cu ildə çəkilən sonuncu qara leopardın fotosu Vaşinqtonda "Smithsonian" milli təbiət tarixi muzeyində sərgilənir.

Paylaş »
››› "2 milyona yaxın insan üçün kommunal qiymətlərin artması kompensasiya ediləcək"
››› ARB-nin canlı efirində gərgin anlar yaşanıb
››› “250 min manatı icra başçısı mənimsəyib, amma məni həbs ediblər”
››› İnsanlar həyatlarının son saniyələrində nə arzulayır...
››› Azərbaycan elminin yüksək nüfuzunu nümayiş etdirən hadisə
››› "Evlərin qiymətində artım daha çox müşahidə ediləcək"
››› Deputat: "Qiymət artımları əhalidə ciddi təəssüf doğurur"
Son xəbərlər
Bütün xəbərlər »