Türkiyədə yaşayan Azərbaycan vətəndaşları “ASAN Xidmət” vasitəsilə şəxsiyyət vəsiqələri ala bilər.

Bizimyol.info Trend-ə istinadən bildirir ki, bunu Diasporla İş üzrə Dövlət Komitəsinin sədri Fuad Muradov Komitə ilə “ASAN xidmət” arasında əməkdaşlıq memorandumunun imzalanması mərasimində çıxış edərkən deyib.

F.Muradov bildirib ki, hazırda Türkiyədə yaşayan və müxtəlif sənədlərin alınmasına ehtiyacı olan Azərbaycan vətəndaşlarının sayı müəyyənləşdirilir. Sənədlərin və şəxsiyyət vəsiqələrinin verilməsi üçün “ASAN Xidmət”in səyyar resurslarından istifadə olunacaq.