Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Tramp Obama tərəfindən qadağan olunmuş “sürətli kreditlər” verilməsini bərpa edir

Tramp administrasiyası belə adlandırılan “sürətli kreditlər” və ya “məvacibə qədər vəsait” verilməsi ilə bağlı məhdudiyyətləri ləğv etmək niyyətindədir.

Bizimyol.info AZƏRTAC-a istinadən xəbər verir ki, Obama administrasiyası belə kreditlərin verilməsini qadağan etmişdi, çünki onlar nəticə etibarilə borcalanları öz əmlakından məhrum edirdi. Obama hesab edirdi ki, banklar həyatda ağır vəziyyətə düşmüş imkansız müştərilərə bu cür kreditlər verməklə onların hesabına varlanırdı. Adətən belə hallarda banklar müştərinin likvid əmlakını, o cümlədən avtomobilini və digər qiymətli əşyalarını girov götürməklə öz mənafelərini sığortalayırdılar. Belə kredit almış müştərilərin çoxu sonradan mənzillərini itirirlər.

Obama dövründə müəyyən edilmiş qaydalara əsasən, borc verən kreditorlardan tələb edilirdi ki, borcalanın yaxın gələcəkdə krediti ödəyə biləcəyini aydınlaşdırsınlar. Borcalanın tədiyyə qabiliyyətli olması təsdiq edilmədikdə bankın ona “sürətli kredit” verməyə haqqı yox idi.

Keti Kreningerin rəhbərlik etdiyi ABŞ İstehlakçıların maliyyə baxımından müdafiəsi bürosu “sürətli kredit”lərin yenidən bərpa olunması təklifi ilə çıxış edib. Büro israr edir ki, belə kreditlər maliyyə resurslarını borcalanların geniş dairəsi üçün əlçatan edir. Ekspertlərin çoxu Tramp administrasiyasının bu planlarını kəskin tənqid edib. Onlar bildirirlər ki, yeni qaydalar sıravi insanların deyil, bankların mənafeyinə xidmət edir.

“Bloomberg” jurnalında dərc edilmiş materialda bildirilir ki, Tramp administrasiyası tərəfindən vergilərin azaldılması nəticəsində keçən il ABŞ-ın ən iri 23 bankı 21 milyard dollara qənaət edib. Bu məbləğ ABŞ Milli Aeronavtika və Kosmik Fəzanın Tədqiqi İdarəsinin (NASA) büdcəsindən çox, Federal Təhqiqatlar Bürosunun bütün cinayətlərə qarşı mübarizə xərclərindən iki dəfə çoxdur.

Paylaş »
››› “Polkovnikin intiharından xəbərimiz yoxdur” - Orduda nə baş verir...
››› Toxunulmazlığı ləğv olunan Eldəniz Səlimov barədə maraqlı faktlar üzə çıxdı
››› "Səs yazısını dinləsəniz, əmin olacaqsınız ki, başqa hadisəylə rastlaşmışıq"
››› Tahir Kərimliyə həmkarından sərt cavab gəldi
››› Milli Məclisdə “kədərli” anlar…
››› Milli Məclisdə toqquşma: "Polisin yiyəsi var, deputatın yiyəsi yoxdur?"
››› Spikerdən... “yüksək pilotaj”
Son xəbərlər
Bütün xəbərlər »