Fransadan və Avstraliyadan olan elmi tədqiqatçılar qrupu bu qənaətə gəlib ki, arıların sadə riyazi hesablama aparmaq qabiliyyəti var. Nə qədər qəribə səslənsə də, arılar saya bilir.

Bizimyol.info xəbər verir ki, bu haqda “The Boston Globe” qəzeti yazıb. Materialda eksperimentin ayrı-ayrı detalları qeyd olunub. Tədqiqatçılar arıların saya bildiyini sübut etməyə çalışıb. Onların fikrincə, arıların sadə toplama və çıxma əməlləri haqda anlayışı var.

Melburn universitetinin professoru Adrian Dayer deyir ki, təbiətdə riyazi əməllərlə bağlı nümunələrə düşünüldüyündən də çox rast gəlinir. Bu mənada arıların saya bilməsinə təəccüblənmək lazım deyil.