Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Maduro Venesuelanın qızıllarını satmaqdan qorxdu

Venesuelada həm siyasi, həm də iqtisadi vəziyyət o qədər ağırdır ki, neçə gündür mərkəzi bankın ölkə qızıllarını satmaq istəyi gündəm mövzusudur. Əsas səbəb kimi prezident Nikolas Maduronun hakimiyyəti tam itirmək üzrə olması göstərilir.

Bizimyol.info “Bloomberg”ə istinadən xəbər verir ki, Venesuela mərkəzi bankı qızılları satmaq fikrindən daşınıb. Həm ölkə, həm də bank rəhbərliyini beynəlxalq reaksiya qorxudur. Rusiyanın Venesuelaya qızılları ölkədən çıxarmağa kömək etməsi böyük rezonans doğurmuşdu. Beynəlxalq ictimai rəy Maduro hökumətinin əleyhinədir. Qızılların satılmasını Venesuela sərvətlərinin talanması kimi qiymətləndirirlər.

Hələ dünən xəbər yayılmışdı ki, Maduro hökuməti Birləşmiş Ərəb Əmirlikləri (BƏƏ) ilə razılığa gəlib. Razılaşmaya görə, ərəblərə 29 ton qızıl satılacaqdı. Maduro sövdələşmədən əldə olunan gəliri milli valyuta olan bolivarın gücünün qorunmasına sərf edəcəklərini deyirdi. Amma beynəlxalq reaksiya çox sərt oldu. Xüsusilə ABŞ belə reaksiyanın formalaşmasında əsas rol oynayır. Amerikalılar Maduronın ölkə sərvətlərindən sərbəst istifadəsinə mane olmağa çalışır.

“Bloomberg”ə xəbər ötürən mənbə 20 ton qızılın tam qablaşdırıldığını, BƏƏ-yə göndərilməyə hazır olduğunu məlumat vermişdi. İndi Venesuela hakimiyyətinin geri addım atdığı deyilir. Maduro 850 milyon dollarlıq razılaşmanı həyata keçirməkdən çəkinir.

Xuan Quaydo

ABŞ, İtaliyanı çıxmaq şərti ilə Avropanın böyük ölkələri özünü yanvarın 23-də prezident elan edən Xuan Quaydonu dəstəkləyir. Avstraliya, Kanada kimi ölkələr də müxalifət liderinin tərəfindədir. Rusiya, İran, Türkiyə və Belarus belə hakimiyyət dəyişikliyinin əleyhinədir.

Paylaş »
››› Moskva görüşündən gözləntilər
››› Azərbaycan Prezidenti və Ermənistan Baş naziri noyabrın 9-da Moskvada iki sənəd imzalayacaq
››› Erməni əsirlərin güllələnmə videosu saxta çıxdı - Araşdırma
››› "İran həmişə Azərbaycanın əldə etdiyi nailiyyətlərə qısqanclıqla yanaşıb"
››› Azərbaycanda son sutkada koronavirusa yoluxanların sayı açıqlandı
››› Telman İsmayılov Monteneqrodan sığınacaq alıb və həbsdən çıxıb
››› Oktyabrın 24-nə olan hava proqnozu
Son xəbərlər
Bütün xəbərlər »