Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Hava limanında “iPhone” əməliyyatı - Foto

Azərbaycana gömrük nəzarətinə bəyan edilmədən xeyli sayda mobil telefonun gizli keçirilməsi cəhdinin qarşısını alıb.

Bu barədə Bizimyol.info-ya Dövlət Gömrük Komitəsinin mətbuat xidmətindən məlumat verilib.

Məlumatda bildirilir ki, Şarcə-Bakı aviareysi ilə gələn Azərbaycan vətəndaşı gömrük nəzarətindən keçən zaman saxlanılıb və yoxlama aparılıb.

Yoxlama zamanı sərnişindən altı ədəd “iPhone X 64 GB” markalı mobil telefonlar aşkarlanıb.

Sorğu-sual zamanı sərnişin telefonların ona məxsus olmadığını və Şarcə Hava Limanında olarkən Azərbaycana gətirilməsi üçün verildiyini bildirib.

Şübhə yarandığından Şarcə-Bakı aviareysi ilə gələn digər sərnişinlərin də əl yüklərinə yoxlama keçirilib və bu zaman 11 nəfər Azərbaycan vətəndaşından 25 ədəd, ümumilikdə 31 ədəd “iPhone X 64 GB” markalı mobil telefonlar aşkarlanıb.

Adları çəkilən vətəndaşlar mobil telefonların onlara məxsus olmadığını bildirib və telefonlardan imtina ediblər.

Araşdırma nəticəsində məlum olub ki, İsayev Əhməd Mülkəsahib oğlu 31 ədəd “iPhone X 64 GB” markalı mobil telefonları gömrük nəzarətinə əvvəlcədən şifahi, yazılı və ya elektron formada bəyan etmədən güzəştli qaydada keçirmək məqsədilə onunla birlikdə Şarcə-Bakı aviareysi ilə gələn sərnişinlərə paylayıb.

Faktla bağlı araşdırma aparılır.

Paylaş »
››› Bacadan tapılan məktub hamını heyrətləndirdi
››› Kirayə bazarının vəziyyəti Operativ Qərargahın qərarından asılı olacaq
››› İsrail 6 milyonluq peyvəndi məhv edəcək
››› Ərdoğan yanğından zərər çəkmiş vətəndaşlarla görüşüb - Video
››› Avqustun 2-nə olan hava proqnozu
››› Azərbaycanın yanğınsöndürmə qüvvələri Türkiyədə yanğınla mübarizə aparırlar - Video
››› Rusiyanın "Su-35S" təyyarəsi qəzaya uğrayıb
Son xəbərlər
Bütün xəbərlər »