Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Maduro Avropanın "8 günlük" ultimatumunu rədd elədi

Venesuela Avropanın ultimatumunu rədd edib.

Xatırladaq ki, Almaniya, Böyük Britaniya, Fransa və İspaniya Nikolas Madurodan 8 gün ərzində yeni prezident seçkiləri keçirməyi tələb ediblər, əks halda onlar özünü prezident elan etmiş müxalif lider 35 yaşlı Xuan Quaydonun legitimliyini tanıyacaqlarını bəyan ediblər.

Bizimyol.info xəbər verir ki, ABŞ və bir sıra başqa ölkələr artıq Quaydonu rəsmən prezident kimi tanıyıb.

Nikolas Maduro və Xuan Quaydo

Venesuelanın xarici işlər naziri Xorxe Arreasa (Jorge Arreaza) israrla bildirib ki, Qərbin təzyiqlərinə baxmayaraq Maduro legitim prezident olaraq qalacaq.

"Heç kim bizə son tarix təyin edə və seçki keçirib-keçirməmək barədə göstəriş verə bilməz",- deyə Arreasa BMT Təhlükəsizlik Şurasının xüsusi sessiyasında çıxışı zamanı bildirib.

Nazir Avropanı "ABŞ-ın quyruğuna düşməkdə" ittiham edib. "Avropa özünü ABŞ-ın quyruğu kimi aparır? Hətta ABŞ-ın da yox, Donald Tramp hökumətinin? Suveren xalqa son tarix qoymaq və ultimatum vermək hüququnu sizə kim verib? Belə müdaxilə, mən lap deyərdim ki, uşaq siyasətini haradan götürmüsünüz?",- deyə Arreasa bildirib.

Ceremi Hant (Jeremy Hunt) / Foto: GETTY IMAGES

Böyük Britaniyanın xarici işlər naziri Ceremi Hant (Jeremy Hunt) isə öz qərarlarını belə izah edib: "İri miqyasda saxtalaşdırılmış seçkilər zamanı müxalif namizədlərə qadağa qoyulması, qutulara bülletenlərin doldurulması və səslərin sayılmasında yol verilmiş pozuntulardan sonra aydın məsələdir ki, Nikolas Maduro Venesuelanın legitim lideri ola bilməz".

Paylaş »
››› "Bunun bığı vardı, indi yoxdur" - Ərdoğandan Cahangir Əsgərova zarafat (Video)
››› Azərbaycanda son sutkada koronavirusa yoluxanların sayı açıqlandı
››› Nazirlikdən faktiki hava açıqlaması
››› Ömürlük status təklifi və veto hüququ
››› Zəngəzur dəhlizinin istifadəyə veriləcəyi vaxt açıqlanıb
››› Azərbaycan və Türkiyə Prezidentləri Zəngəzur dəhlizinin təməlini qoyublar
››› İndoneziyadan olan ata oğluna qəribə ad qoyub
Son xəbərlər
Bütün xəbərlər »