Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
"Oğluma elektorşok verib öldürdülər"
15 manat borc mübahisə ölümlə nəticələndi

Bu gün Bakı Ağır Cinayətlər Məhkəməsində qəsdən sağlamlığa ağır zərər vurmaqla zərərçəkmişin ölümünə səbəb olmaqda təqsirləndirilən Pənah Səmədovun cinayət işi üzrə məhkəmə istintaqı başlayıb.

Bizimyol.info xəbər verir ki, hakim Mirzə Xankişiyevin sədrliyi ilə keçirilən prosesdə prokuror Sabir Abdinov ittiham aktını elan edib.

Hadisə 2 iyun 2018-ci ildə baş verib.

Belə ki, P. Səmədov əvvəllər tanıdığı Röyal Rəhimova 40 manat məbləğində elektroşok cihazı satıb. R. Rəhimov isə 25 manat ödəyib, 15 manat borclu qalıb.

P. Səmədov Röyal Rəhimovun 15 manat borcu xeyli müddətdi ödəməyini əsas gətirərək onunla görüşmək qərarına gəlib.

Görüş zamanı hər iki şəxs arasında mübahisə yaranıb. Mübahisə dava ilə nəticələnib və Pənah Səmədov Röyal Rəhimova yumruq zərbələri endirməklə onu döyüb. Sonuncu xəstəxanaya çatdırılsa da, 6 gün sonra dünyasını dəyişib.

İttihama münasibət bildirən P. Səmədov özünü təqsirli bilməyib.

Sonra mərhum Röyal Rəhimovun anası Dilarə Rəhimova ifadə verib. O deyib ki, oğlu taksi sürücüsü kimi fəaliyyət göstərib. Hadisə günü oğlunun evə pis vəziyyətdə qayıtdığını deyən D. Rəhimova mərhumun ağır formada döyüldüyünü iddia edib: "Gəlib mənə dedi ki, ana, mən dalaşmışam. Dedi ki, alçaq məni arxadan vurdu. Bu adam mənim oğlumun başına çubuqla vurubmuş. Sonra dedi ki, başım ağrıyır, yatıram. Səhərisi gün yuxudan oyananda gördüm ki, oğlum pis gündədi. Yerindən qalxa bilmir, əli-ayağı buz kimidir, üzü də göyərib. Tez təcili yardıma zəng etdim, onlar da uşağı xəstəxanaya apardılar. Oğlum 6 gün komada qaldı, sonra rəhmətə getdi".

Zərərçəkmiş şəxsin hüquqi varisi deyib ki, R. Rəhimova elektorşok veriblər: "Elə söhbət də bunun üstündə düşüb. Oğluma elektorşok verib öldürdülər".

Təqsirləndirilən P. Səmədov isə Röyal Rəhimovu döymədiyini deyib. Bu zaman zərərçəkmiş şəxsin hüquqi varisi ilə aralarında mübahisə düşüb. Hakim Mirzə Xankişiyev tərəfləri sakitləşdirib və hər iki şəxsə xəbərdarlıq edib.

Daha sonra prosesdə şahidlər ifadə veriblər.

Məhkəmə iclası yanvarın 23-də davam etdiriləcək.

Rəşad VAQİFOĞLU

Paylaş »
››› "Tarif Şurasının bu qərarı çox absurddur"
››› "Ölkədə qiymət artımı mütləq baş verəcək"
››› Elektrik enerjisinin və təbii qazın qiyməti bahalaşdı
››› Yaponiya-Rusiya münasibətləri: Gərginlik durmadan artır
››› Göyçay RİH-dən şəhid anası ilə bağlı cavab: “Artıq güzəştli mənzil uçotuna alınıb”
››› Əməkhaqları, pensiyalar və sosial müavinətlər artırılacaq - Prezidentin sərəncamı
››› Mahashta Murasi, buqələmun və Hüseynbala Mirələmov...
Son xəbərlər
Bütün xəbərlər »