Azərbaycanda yeni doğulan körpələrə bəzən valideynlər qəribə adlar verirlər.

Bunlar sırasında quş adları da var.

Modern.az saytı Ədliyyə Nazirliyindən son 5 ildə Azərbaycanda yeni doğulan uşaqlara verilmiş quş adlarını dəqiqləşdirib. Məlum olub ki, bu sırada Şahin, Qumru və Turac öndə gedir.

Siyahının oxucular üçün də maraqlı ola biləcəyini nəzərə alaraq, onu təqdim edirik:

Belə ki, ölkəmizdə son 5 il ərzində doğulan şəxslərdən 133-nə Qumru, 818-nə Şahin, 42-nə Turac, 26-na Durna, 20-nə Kəklik, 5-nə Bülbül, 3-nə Şahinə, 5-nə Göyərçin, 1-nə Ərbabil, 1-nə Turacxanım, 1-nə Bülbülxanım, 1-nə isə Qartal adları verilib.