Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Ziqmund Freyd haqqında bilmədiyiniz beş maraqlı fakt...

Bütün dünyada psixoanaliz elminin banisi kimi tanınan Ziqmund Freyd iyirminci əsrin ən təsirli və mübahisəli adlarından biridir.

O, insan şəxsiyyətinin başa düşülməsində yeni bir münasibət yaradan adam kimi tanınır. Freydin nəzəriyyələri insan zehni və davranışlarının anlaşılmasında tezliklə dominant bir güc halına gələn psixologiya məktəbinin əsasını qoymuşdur.

O, 1899-cu ildə “Yuxuların yozulması” kitabını çap etməklə psixoanaliz sahəsini təşkil edən ideya və nəzəriyyələrin əsasını qoyub. Amma zamanın ən məşhur şəxsiyyətlərindən olmasına baxmayaraq Freyd haqqında bilmədiyiniz bir çox maraqlı faktlar var.

1. O, səkkiz qardaşın ən böyüyü olub. Freyd 1856-cı ildə Avstriyanın Moraviya şəhərində anadan olub. Atası bir yun taciri idi və əvvəlki evliliyindən iki uşağı vardı. Anası Amaliya ərindən iyirmi yaş kiçik olub. Atasının iş həyatında uğursuzluq yaşaması səbəbindən ailəsi Vyanaya köçmək məcburiyyətinə qalıb. Freydin dediyinə görə qardaşları içində anasının ən sevimlisi o, olub.

2. Freyd kokain istifadə edib və həm də bu maddənin istifadəsini müdafiə edirdi. Bundan ağrıkəsici kimi istifadə etdiyini düşünən Freyd, sonda özü də asılı vəziyyətə düşür.

3. O, sevdiyi qadınla evlənmək üçün həkim olur. Freyd 26 yaşında olarkən 21 yaşlı Marth Bernysa aşiq olub və tanış olandan iki ay sonra onlar sevgili olublar. Lakin o, çox kasıb bir həyat tərzi sürdüyü üçün ailə qurmağa maddi imkanı yox idi. Sevdiyi qızla tanış olduqdan altı ay sonra elmi karyerasını yarıda qoyaraq həkim olur. Üç il Vyanada işləyib. O, Almaniyaya getdikdən dörd il sonra nişanlısı ilə evlənir. Onun baldızı Maria ilə də eşq yaşadığı bildirilir.

4. O, həm də danışıq terapiyasını yaradıb. Bir çox mütəxəssislər tərəfindən bu qəbul edilməsə də, digər alimlər onun bu kəşfini müsbət qarşılayıblar.

5. Freyd nasistlərin ucbatından Vyananı tərk edib. Nasistlər Avstriyanı işğal edəndə Freyd və digər alimlərin kitabları yandırılıb. O, sorğu-suala çəkildiyi üçün həyat yoldaşı ilə İngiltərəyə qaçıb. Freydin dörd bacısı nasistlərin düşərgəsində həyatlarını itirib. (Moderator.az)

Paylaş »
››› Bürclərin geyim zövqü: Kim necə geyinməyə üstünlük verir...
››› Emin Əmrullayevin Misir Mərdanovdan fərqi: Örtülü bazardan açıq bazara keçid
››› "Onlar bu addımı çarəsizlikdən atırlar" - Həyatımız necə zəhərə çevrilir
››› "Gözü ilə görmüş olsa da, sübut edə bilmədi" - Azərbaycanda təhlükəli biznes növü
››› Hicama terapiya hansı xəstəliklərin müalicəsində daha çox tövsiyə edilir?
››› Rusiyanın ən çox qorxduğu silah: "Baha başa gələr"
››› Rusiya Çinə görə müharibə ideyasını təxirə salıb
Son xəbərlər
Bütün xəbərlər »