Bizimyol.info xəbər verir ki, BOCCİA idman növü Milli Paralimpiya Komitəsi Seni kompaniyasının bilavasitə dəstəyi ilə artıq 5 ildir ki, ölkəmizdə təbliğ olunur. "Seni" firmasının dəstəyi ilə 06 dekabr 2014-cü il tarixdə birinci, 18 dekabr 2015-ci il tarixdə ikinci, 14 dekabr 2016-cı ildə üçüncü və 24 noyabr 2017-ci ildə dördüncü "SENİ CUP" turnirləri keçirilmişdir.
Builki "SENİ CUP" turnirində Ukraynadan və respublikanın müxtəlif regionlarından ümumilikdə yetmişədək idmançı mübarizəyə qatılacaq və 5 kateqoriya üzrə yarışlar keçiriləcək.
Qeyd edək ki, Heydər Əliyev fondunun vitse prezidenti Leyla xanım Əliyevanın təşəbbüsü ilə cari ilin mart ayında Azərbaycan Boccia Federasiyası yaradılmış, Vüqar Əsgərov vitse prezident, İlham Məhərrəmov isə baş katib vəzifələrinə seçilmişlər.