“Qafqazinfo” bu məqamda iki ay ərzində dənizdə boğulanların statistikanı təqdim edir.
Qeyd edək ki, statistika Fövqəladə Hallar Nazirliyinin yaydığı məlumatlar əsasında hazırlanıb.
Bu arada vurğulayaq ki, iyun ayında dənizdə boğulan 3 nəfər olub. Onlardan ikisi qardaşdır. Belə ki, 2007- ci il təvəllüdlü Nihad Bayramov və qardaşı 2009- cu il Lətif Bayramov çimərkən boğulub.
Həmin ayın sonunda isə fotomodel Günel Mirzəyeva dostları ilə yaxtada dincələrkən dənizdə boğulub.
İyul ayında isə ötən aya nisbətən çoxsaylı ölümlər baş verib.
Ayın 1-də Hüseyn Rəhimov və onun dostu Səbinə Abıyeva çimərkən boğulub.
İyulun 2-də Xaçmazda 45 yaşlı naməlum kişinin cəsədi dənizdən tapılıb.
İyulun 3-də isə Mingəçevirdə dincələn iki polisin boğulması xəbəri medianın gündəm oldu. Onlar 1993- cü il təvəllüdlü Qalib Novruzov və 1991- ci il təvəllüdlü Şahlar Mamayevdir.
İyulun 4-ü tarixi isə 4 nəfərin ölümü ilə yadda qaldı. Onlardan ikisi qardaşdır. Həmin şəxslər 1999-cu il təvəllüdlü Habil Quliyev və 1995-cı il təvəllüdlü Adil Quliyevdir. 2004- cü il təvəllüdlü Fizuli Əhmədovun isə cəmi 12 yaşı var idi. 1971-ci il təvəllüdlü Rövşən Hüseynov da boğulanlar sırasındadır.
İyulun 5-də cəmi bir boğulma hadisəsi qeydə alınıb. Həmin şəxs 1996-cı il təvəllüdlü Orxan Məmmədovdur.
İyulun 8-də Saatlının Nərimankənd sakini Allahyarov Gülmusa dünyasını dəyişib.
İyulun 17-də isə ata və oğulun faciəsi baş verib. Hacıqabul sakinləri ata Bəxtiyar Ağavəlizadə, oğlu Fərid Qəhrəmanov çimərkən boğulublar.
İyulun 20-də Sabirabad sakini Nizam Şirəliyev vəfat edib.
İyulun 24-də daha iki azyaşlı qardaşın faciəli ölümü baş verib. Onlar 12 yaşlı Zahid Əliyev və 9 yaşlı Amil Əliyevdir.
Bu ayın son boğulma xəbəri isə iyulun 25-də baş verib. Həmin şəxs 2000-ci il təvəllüdlü İdris İsmayılovdur.
