Çinin Çyanzin şəhərində ticarət mərkəzinin əməkdaşı köpəkbalıqları ilə dolu dekorativ hovuza düşüb.

Bizimyol.info-un Oxu.Az-a istinadən xəbərinə görə, görüntüləri “Metro” nəşri yayıb.

Ticarət Mərkəzinin əməkdaşları akulaları yedizdirməyə hazırlaşıblar, bu səbəbdən rezervuar açıq olub.

Qadın işə gecikməsi səbəbindən yolunu qısaltmaq istəyib, lakin maneəni görməyib və hovuza düşüb.

Onun köməyinə təhlükəsizlik xidmətinin əməkdaşları gəlib. Onlar hovuza atılaraq qadını xilas ediblər.