Gecə saat 12:00. Artıq metro və marşrutlar üçün fasilə vaxtıdır. Şəhər isə hələ də səsli-küylüdür. Kimi evə tələsir, kimi əylənir, kimi isə gecədən pul çıxarır. Gecənin səssizliyi hələ pozulmayıb. İnsanların bir-birinə qaynayıb-qarışması sanki heç də səhər həyatından fərqlənmir.

Baku TV-nin əməkdaşları Bakının gecə həyatı ilə bağlı maraqlı reportaj hazırlayıblar.

Paytaxtın mərkəzində yerləşən gecə klublarının birinə baş çəkən müxbirlər burada çalışan işçilərlə söhbət edib, gecə həyatı ilə maraqlanıblar.

Bundan əlavə, onlar bayker, taksi sürücüsü, turistlər və gecə müxtəlif sahələrdə çalışan işçilərlə söhbət ediblər.