AMEA Mərkəzi Elmi Kitabxanadan Avropa.info-ya verilən məlumata görə, 2017 ci ilin iyul ayında Azərbaycan dilində olan vikipediya (Azviki) bir pillə irəliləyiş əldə edib.
Urdu dilində olan vikipediyanı keçərək 53-cü pilləyə yüksəlib. Hədəf ən qısa zamanda ilk əlliliyə daxil olmaq və beləliklə həm kəmiyyət, həm də keyfiyyət baxımından yüksək inkişaf əldə etməkdir. MEK-in sərbəst elektron resuslarla iş şöbəsinin əməkdaşları Vikipediya elektron ensiklopediyasının Azərbaycanda kütləviləşdirilməsi istiqamətində işlərinə davam etməkdədir.
Mərkəzdə Vikipediya ilə bağlı öyrədici seminarlar, görüşlər və tədbirlər müntəzəm formada təşkil edilir.
