Bürclər - 6 İYUN
İyirmi səkkiz il sonra Naxçıvanda
İTV-də yeni təyinat
Ağır vəziyyətdə olan azərbaycanlı nazir Türkiyəyə aparıldı
"BİZİM YOL" QƏZETİNİN LAYİHƏSİ: Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi

"Keyfiyyət infrastrukturunun inkişafı rəqabətədavamlı ixrac məhsulları istehsalının vacib amilidir"

Bölmə :
KİVDF
Yayım tarixi :
12/4/2017 [22:51]
Baxılıb :
780 dəfə

“Azərbaycanda qeyri-neft sektorunun inkişafı, ixracyönümlü yeni istehsal sahələrinin yaradılması, ölkəmizdə sahibkarlıq fəaliyyətinin inkişafı ilə əlqədar dövlət başçısının verdiyi fərman və sərəncamlar, yerli şirkətlər tərəfindən istehsal olunan məhsulların əmtəə nişanları və ya coğrafi göstəricilərlə təchiz olunmasının, bu sahədə hüquqların ölkə daxilində, habelə xarici ölkələrdə beynəlxalq sistem vasitəsilə qorunmasının, Azərbaycan brendlərinin xarici bazarlarda təşviqi və digər məsələlərin həlli yolunda əlavə tədbirlərin həyata keçirilməsinin zəruriliyini şərtləndirir”.
Bu barədə Standartlaşdırma, Metrologiya və Patent üzrə Dövlət Komitəsinin (SMPDK) Sənaye Mülkiyyəti Obyektlərinin Ekspertizası Mərkəzinin (AzPatent) 2016-cı il üzrə illik hesabatında bildirilib. 

Hesabatda o da qeyd olunur ki, innovasiyanın əsas elementlərindən biri kimi yeni texnologiyaların, ixtiraların, faydalı modellərin, sənaye nümunələrinin yaradılmasının, inkişaf etdirilməsinin stimullaşdırılmasına, patentlərin tətbiqinə, bütövlükdə  innovasiyaların təşviqinə  yardım edilməsi məqsədilə ötən dövr ərzində müxtəlif tədbirlər həyata keçirilib. Əqli mülkiyyət məsələləri ilə bağlı şikayət məktublarının cavablandırılması ilə yanaşı, sahibkarları maraqlandıran bütün suallara operativ cavab verilməsi, şəffaflığın təmin edilməsi  məqsədilə AzPatentdə canlı olaraq “Açıq qapı”  və “Qaynar xət”  xidmətləri fəaliyyət göstərir. Müəssisə və təşkilatlar, habelə fiziki şəxslər tərəfindən qaldırılan məsələlər AzPatentin mütəxəssisləri tərəfindən  cavablandırılıb, sənaye mülkiyyəti obyektləri üzərində mülkiyyət hüququnun əldə olunmasının və qorunmasının  əhəmiyyəti izah edilib. Mövcud olduğu yarım ildə bu xidmətlərdən onlarla şəxs yararlanıb. İnsan kapitalından istifadənin iqtisadi inkişafda əsas şərt olduğunu nəzərə alaraq, əqli fəaliyyətin nəticələrinin istehsalatda tətbiqinə yönələn işlərin həyata keşirilməsi, elmlə istehsalat arasında əlaqələrin genişləndirilməsi məqsədilə AzPatentin nəzdində tanınmış alimlərdən, ixtiraçılardan, sahibkarlardan ibarət Elmi Texniki Şuranın yaradılması istiqamətində də işlər davam etdirilir.   

“Sosial ədalətin, insan və vətəndaş hüquqlarının qorunmasına, iqtisadiyyatın inkişafı üçün əlverişli şəraitin yaradılmasına, dövlət və yerli özünüidarəetmə orqanlarının, vəzifəli şəxslərin fəaliyyətinin qanuniliyinin, şəffaflığının və səmərəliliyinin təmin edilməsinə yönəldilmiş korrupsiya əleyhinə mübarizə son illər respublikamızın siyasi və iqtisadi inkişafının stimulverici amilinə çevrilmişdir. Yaradıcı əməyin mühafizəsi və həvəsləndirilməsi bu sahədə ən incə məqamlardandır. Yeni texnologiyalar və proqressiv innovasiyalar dövründə, sağlam rəqabətin önə çıxdığı bir zamanda ölkədən beyin axınının qarşısını almaq və onun üçün münbit şərait yaratmaq, yaradıcılığı stimullaşdırmaq ən vacib məsələlərdən biri hesab edilir”,-deyə AzPatentdən bildirilib. 

8 patentin sahibi: “Əqli mülkiyyətin vacib əhəmiyyəti var”
 
Torpaq münbitliyinin modelləşdirilməsi və proqnozlaşdırılması anlayışını və Ekoloji Kənd Təsərrüfatı Hərəkatını ilk dəfə Azərbaycana gətirmiş alim, 8 patentin sahibi Amin Babayev “Bizim Yol”a bildirib ki, ölkəmizdə son illərdə xüsusilə fərqlənən iqtisadi inkişaf templəri, yerli sənayenin və ticarətin dinamik inkişafı nəticəsində əqli mülkiyyətin iqtisadiyyatdakı rolunun artıb: “Artıq əqli mülkiyyətin potensialı iqtisadi inkişafın mühüm alətinə çevrilir və Azərbaycanın sürətli iqtisadi inkişafına, investisiya axınına müsbət təsir göstərir. 

Hüquqi dövlət quruculuğu nəticəsində əqli mülkiyyət hüquqlarının qorunması və səmərəli idarə olunması üçün müasir hüquqi-normativ baza yaradılması və nəticədə yeni texnologiyalar üzərində müstəsna hüquq sahibləri arasında münasibətlərin tənzimlənməsi, bununla da innovasiyaların sənayedə daha da geniş tətbiq edilməsi üçün bütün lazımi hüquqi şəraitin formalaşıb. 

İqtisadiyyatı sürətlə inkişaf edən Azərbaycan üçün əqli mülkiyyətin vacib əhəmiyyəti vardır. Əqli mülkiyyət potensialı hesabına elm və cəmiyyətin inkişafı üçün əlverişli şəraitin təmin edilməsi, əqli mülkiyyətin biliklərə əsaslanan iqtisadiyyatın inkişafında güclü vasitəyə çevrilməsi və rəqabət qabiliyyətli iqtisadiyyata dəstək verilməsi və informasiya cəmiyyətinin inkişafı üçün ondan geniş istifadə olunması da vacib əhəmiyyət daşıyır”. 

“Elm-tədqiqat işinin nəticələri istehsalatda tətbiq edilir”

Kənd təsərrüfatı elmləri doktoru, professor A.Babayev onu da deyir ki, əqli mülkiyyət hüquqlarının qorunması ilə bağlı zəruri məlumatları diqqətə çatdırıb. Bildirib ki, patent və əqli mülkiyyət hüquqlarının qorunmasından daha önəmi amil onların tətbiq edilə bilməsidir. Sevindirci haldır ki, alim və mütəxəssislərə sənaye mülkiyyəti obyektləri üzrə ixtiralara faydalı modelə və sənaye nümunələrinə dair patentlər alıblar. Özüm də şahidiyəm ki, elm-tədqiqat işinin nəticələri istehsalatda tətbiq edilir”.  

Alim onu da bildirdi ki, o, bu günlərdə beynəlxalq Vahid Dünya Mükafatı  müsabiqəsinin laureatı seçilib. A.Babayev son 20 ildə Azərbaycanda ekoloji kənd təsərrüfatı hərəkatının inkişafına, bu sahənin ölkəmizdə təşviqi və tətbiqinin elmi əsaslarının işlənilməsinə, hüquqi bazasının və informasiya-məlumat bankının yaradılmasına, həmçinin yüksəkixtisaslı kadrların hazırlığına verdiyi töhfələrə görə dünya üzrə seçilmiş beş laureat arasında yer alıb. 

Professor A.Babayevin Azərbaycandakı fəaliyyəti ilə tanış olmaq məqsədilə IFOAM təşkilatı və RAPUNZEL şirkətinin nümayəndələri ölkəmizdə səfərdədirlər. Aprelin 13-dək davam edəcək səfər çərçivəsində Bakı, Gəncə və Qaxda bir sıra görüşlər keçiriləcək, qonaqlar alimin elmi və pedoqoji fəaliyyəti ilə tanış olacaqlar.

2004-cü ildən etibarən iki ildən bir keçirilən müsabiqənin qalibləri dünya üzrə ekologiya, iqtisadiyyat və sosial sahələrdə ən mühüm nailiyyətlərin xüsusi meyarlar əsasında qiymətləndirilməsi yolu ilə müəyyənləşdirilir. Cari müsabiqənin mükafatlandırma mərasimi bu ilin sentyabrında Almaniyada baş tutacaq. 


İxtiralar, hüquqi pozuntular və görülən tədbirlər 

Standartlaşdırma, Metrologiya və Patent üzrə Dövlət Komitəsinin verdiyimiz informasiya sorğusuna cavabında bildirilib ki, 1997-ci il 2 avqust tarixindən qüvvəyə minən “Patent haqqında” qanuna əlavələr və dəyişikliklər barədə qanun layihəsi hazırlanıb: “Standartlaşdırma, metrologiya, akkreditasiya və patent hüququ obyektlərinin mühafizəsi sahələrində idarəetmənin təkmilləşdirilməsi ilə bağlı əlavə tədbirlər haqqında Azərbaycan Respublikası Prezidentinin Fərmanı ilə əlaqədar, eləcə də patentin alınması üçün iddia sənədlərini sadələşdirən və iddiaçılar üçün daha da rahatlaşdıran ÜƏMT-nin "Patent hüququ" sazişinə qoşulmaq üçün qanuna dəyişiklər layihəsi hazırlanıb. Layihədə həmçinin patent sahəsində bəzi anlayışların beynəlxalq təcrübəyə uyğun olaraq təkmilləşdirilməsi, patentlə mühafizə olunan obyektlərin dairəsində dəqiqləşmələr, ekspertizanın aparılması müddətləri ilə bağlı məsələlər nəzərə alınıb”.

Qurumdan bildirilib ki, sənaye mülkiyyəti obyektlərinin hüquqi mühafizəsi və qorunması üçün Azərbaycan Respublikası normativ-hüquqi bazaya malikdir. Onlar “Patent haqqında” qanun, “Əmtəə nişanları və coğrafi  göstəricilər haqqında” qanun, “Əmtəə nişanlarının qeydiyyata alınması barədə iddia sənədinin verilməsi və ekspertizası” qaydalar, “Haqsız rəqabət haqqında” qanun, “İstehlakçıların hüquqlarının müdafiəsi haqqında” qanun, eləcə də, “Ümumdünya əqli mülkiyyət təşkilatını təsis edən” Konvensiya, “Sənaye mülkiyyətinin mühafizəsi üzrə” Paris Konvensiyası, “Patent  Kooperasiyası haqqında” müqavilə (PCT), “Əmtəə nişanlarının Beynəlxalq qeydiyyatı haqqında” Madrid Sazişi və Madrid Sazişinə Protokol, Patent prosedurası məqsədləri üçün mikroorqanizmlərin depozitləşdirilməsinin beynəlxalq tanınması haqqında” Budapeşt Müqaviləsi, “Sənaye nümunələrinin beynəlxalq qeydiyyatı” haqqında Haaqa Müqaviləsi və Avrasiya Patent Konvensiyasıdır.  

Dövlət Komitəsindan o da bildirilib ki, patent hüququ mühafizəsi obyektlərinə ixtira, faydalı model və sənaye nümunələri aiddir: “Son 5 il ərzində Komitə tərəfindən 505 ədəd ixtira, 57 ədəd faydalı model və 138 ədəd sənaye nümunələri qeydiyyata alınıb. 

2012-2016-cı illər ərzində ixtiralara patent verilməsinə dair 795 iddia sənədi, milli iddiaçılardan - 685, xarici iddiaçılardan - 113, o cümlədən PCT prosedurası üzrə - 20 iddia sənədi daxıl olub.
PCT prosedurası yalnız ixtiralara aiddir. Sənaye nümunələrinin mühafizəsi “Sənaye nümunələrinin beynəlxalq qeydiyyatı haqqında Haaqa Müqaviləsi” çərçivəsində həyata keçirilir.

Son 5 ildə qeydiyyata alınan ixtiralar kimya və metallurgiya, insanın həyatı tələbatlarının təmin edilməsi, həmçinin tikinti və dağ-mədən işləri ilə əlaqədar sahələrdə ən bö­yük aktivliyini əks etdirir. Qeydiyyata alınan ixtiraların əksəriyyəti  Azərbaycan Milli Elmlər Akademiyasının müxtəlif institutları, Bakı Dövlət Universiteti, Milli Aviasiya Akademiyası, “Neftqazelmitədqiqatlayihə” İnstitutu, Azərbaycan Texniki Universiteti və digər hüquqi və fiziki şəxslər tərəfindən verilib”.
İnformasiya sorğumuza cavabda o da bildirilir ki, bu sahədə hüquq pozuntularına rast gəlinib: “Əqli mülkiyyət obyektlərinin hüquqi mühafizəsi ilə bağlı etirazlar Apellyasiya şurasına və məhkəməyə verilir və onların cox hissəsi əmtəə nişanları ilə bağlı olur”.

Ramid İBRAHİMOV

Standartlaşdırma, Metrologiya və Patent üzrə Dövlət Komitəsi və Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun keçirdiyi müsabiqəyə təqdim etmək üçün

Paylaş:
6/6/2017 [00:50]: Bürclər - 6 İYUN
5/6/2017 [22:06]: İyirmi səkkiz il sonra Naxçıvanda
5/6/2017 [10:36]: İTV-də yeni təyinat
5/6/2017 [10:33]: Ağır vəziyyətdə olan azərbaycanlı nazir Türkiyəyə aparıldı
5/6/2017 [10:29]: Bakıda dəhşətli hadisə: Bardan evə gətirdiyi qadını...
5/6/2017 [10:20]: 26 yaşlı milyarderdən qeyri-adi Ramazan hədiyyəsi - VİDEO
5/6/2017 [10:17]: “Maşın”da növbəti insident
5/6/2017 [10:04]: Azərbaycan elminə ağır itki üz verib - FOTO
5/6/2017 [08:49]: İlanlar həyət və evlərə daraşıb - FOTO
5/6/2017 [08:37]: Saatlı və Qubada ev yanıb
5/6/2017 [08:33]: Putin: “ABŞ bütün dünyada siyasi proseslərə müdaxilə edir”
5/6/2017 [08:28]: Qonşu qadınlar arasında dava
5/6/2017 [08:21]: İki xalaoğlu bıçaqlandı
5/6/2017 [08:18]: Dörd ölkə Qətərlə diplomatik münasibətləri kəsdi
5/6/2017 [01:19]: Dərmandan daha təsirli olan gilas haqqında BİLMƏDİKLƏRİNİZ
5/6/2017 [00:07]: Bürclər - 5 İYUN
4/6/2017 [23:33]: Azərbaycanda qeyri-adi toy karvanı - VİDEO
4/6/2017 [23:10]: Məşhurların siması olduğu şirkət fırıldaqçı çıxarsa...
4/6/2017 [22:54]: Belə uşaqların 86%-ini valideynlər özü “yetim” edir
4/6/2017 [22:42]: Toyda dava düşdü - yaralananlar var
4/6/2017 [22:18]: Azərbaycanda ağır yol qəzası - 6 nəfər yaralandı
4/6/2017 [21:51]: Ağız, tər və sidik qoxuları bu xəstəliklərin XƏBƏRÇİSİDİR
4/6/2017 [21:47]: Qardaş bacısını internetdə satışa çıxardı -Londonda
4/6/2017 [21:41]: Ramazanın 10-cu gününün duası, imsak və iftar vaxtı
4/6/2017 [21:38]: 16 yaşlı qız intihara cəhd etdi
4/6/2017 [20:49]: Sürücülərin nəzərinə: bu yerlərdə parklanma ödənişli olacaq
4/6/2017 [20:14]: Araz Ağalarov: “Biz qənaət etməyi yaxşı bacarırıq”
4/6/2017 [19:53]: Səbəbsiz gülüş bu 4 XƏSTƏLİYİN simptomu ola bilər
4/6/2017 [19:37]: Məhəmməd peyğəmbərdən bəhs edən qalmaqallı film 2 gün sonra televiziyada göstəriləcək
4/6/2017 [19:32]: Bakıda qəribə olay: Xalası ilə xəstəxanaya gedən uşaq yoxa çıxdı
4/6/2017 [19:22]: Hökumət “Tanrıların qızılları”na göz dikdi: Trilyon dollarlıq xəzinə uğrunda MÜHARİBƏ
4/6/2017 [19:03]: Vahid Mustafayevin adı hallanan hadisəylə bağlı Rəsmi açıqlama
4/6/2017 [18:44]: Bakı aeroportunda kuryoz hadisə - Başqasının pasportuyla DSX-dən keçdi
4/6/2017 [18:32]: Göygöldə əcnəbi turistin başına iş gəldi
4/6/2017 [18:28]: Azərbaycanda DƏHŞƏT: Mühərrikin pəri sürücünün qarnını parçaladı
4/6/2017 [16:43]: Polis Vahid Mustafayevin motosiklet karvanını saxladı - FOTOLAR
4/6/2017 [16:11]: Londonun şərqində xüsusi əməliyyat keçirilir
4/6/2017 [15:18]: Natiq Əliyevin vəziyyəti ilə bağlı xəstəxanadan AÇIQLAMA
4/6/2017 [15:00]: Polisin otellərdə nikahsız vətəndaşlara qarşı reydləri barədə yazılara DİN-dən AÇIQLAMA
4/6/2017 [14:41]: “İntihar etməyə gedirəm” yazan uşağın meyiti tapıldı
4/6/2017 [14:35]: Azərbaycan prezidenti Böyük Britaniya baş nazirinə başsağlığı verib
4/6/2017 [14:02]: ABŞ PKK-nın Suriya qolu ilə Rakka əməliyyatına başlayıb
4/6/2017 [13:26]: Çempionlar Liqasının final oyunu zamanı İtaliyada 1000-dən çox insan xəsarət aldı - VİDEO
4/6/2017 [13:07]: Londonda terror aktları nəticəsində ölənlərin sayı artır - VİDEO
4/6/2017 [12:34]: Rusiyanın güllələnərək öldürülənlərin sayı 9 nəfərə çatıb
4/6/2017 [12:09]: İyunun 5-ə HAVA PROQNOZU
4/6/2017 [11:58]: Nazir xəstəxanaya yerləşdirildi
4/6/2017 [11:24]: Dolların iyunun 5-nə olan məzənnəsi
4/6/2017 [11:20]: Sərxoş sürücü ağır qəza törətdi: ÖLƏN VAR
4/6/2017 [10:11]: "Zidan ömrü boyu "Real"da qala bilər"
4/6/2017 [10:00]: London polisi terrorçu olduğu ehtimal edilən üç nəfəri məhv etdi
4/6/2017 [09:53]: Rusiyada 8 nəfər güllələnərək öldürüldü
4/6/2017 [09:48]: Cəbhə xəbərləri
4/6/2017 [09:40]: Tramp Londona yardım təklif etdi
4/6/2017 [09:29]: Manilada kazinoya silahlı basqın: 36 nəfər öldü - VİDEO
4/6/2017 [09:10]: Gürcüstan, Azərbaycan və Türkiyə birgə hərbi təlim
4/6/2017 [09:05]: Göygöl sakini körpüdən yıxıldı
4/6/2017 [09:02]: Magistraturaya qəbul imtahanının ikinci mərhələsi keçirilir
4/6/2017 [08:57]: Londonda terror aktları: 6 nəfər öldü, 30 nəfər yaralandı
4/6/2017 [00:43]: Qeyri-adi hadisə: Göyərçin Putinə "hərbi salam" verdi -VİDEO
4/6/2017 [00:23]: Putin: "NATO-da müttəfiq yoxdur, yalnız vassallar var"
4/6/2017 [00:08]: Bürclər - 4 İYUN
3/6/2017 [23:37]: Pulun yoldan çıxardığı milyarderlər
3/6/2017 [23:15]: İnanılmaz - Körpə qocalıq sindromu ilə doğuldu
3/6/2017 [22:24]: Bakıda onlarla sakin tülkülərin hücumuna məruz qalıb
3/6/2017 [22:15]: 19 yaşlı qızını bıçaqlayıb Azərbaycandan qaçmaq istədi
3/6/2017 [22:09]: Əfqanıstanda qəbiristanlıqda partlayış: 20 ölü
3/6/2017 [21:51]: Sankt-Peterburq sakini iyun ayında donub öldü
3/6/2017 [21:43]: ABŞ-da homoseksual ata "ana" olmağa hazırlaşır
3/6/2017 [21:25]: "Nəqliyyat və logistika sektorlarında ticarət və biznes imkanları" mövzusunda seminarı keçirilib
BÜTÜN ARXIV BIR SIRADA

Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığının inkişaf etdirilməsi


www.bizimyol.info
saytı "Bizim Yol" qəzetinin
internet ünvanıdır
Təsisçi və baş redaktor:
Bahəddin Həziyev
Veb-redaktor:
Müşfiq Hüseynov
Ünvan: AZ1100, Bakı şəh.,
Mirəli Seyidov küçəsi, 51,
"Arqus" binası
Tel: (+99455) 911 85 15
e-mail: bizimyol07@gmail.com