Məsələ ilə əlaqədar bizimyol.info-ya açıqlama verən Milli Ekoloji Proqnozlaşdırma Mərkəzinin rəhbəri Telman Zeynalov çıxış yolunu həmin ərazilərin yaşıllığa çevrilməsində gördüyünü bildirib: “Bayıl ərazisi sürüşmə zonasına aiddir. Orda yaşayış binalarının tikilməsinə dövlət qurumlarınım icazə verməsi tamami ilə səhv addım idi. İndi sürüşmə təhlükəsinin qarşısı almağa çalışırlar. Əgər həqiqətən sürüşmənin aktivləşməsini istəmirlərsə, yaxşı olardı ki mərhum akademik Həsən Əliyevin tətbiq etdiyi terraslar həmin ərazilərdə yaradılmalı, ağaclar əkilməlidir ki, yağış suları torpağı axıra qədər nəm etməsin. Ancaq bu siyasət bu gün həyata keçirilmir”.
Telman Zeynalov bildirib ki, Bakı Televiziya Qülləsi üçün təhlükə yoxdur: “Teleqüllənin uçması gözlənilmir. Onu sovetin dövründə tikiblər. Onun bünövrəsi ana suxura qədər girib. Ana suxur Teleqüllənin dağılmasına imkan verməyəcək. O ərazidə tikilən yaşayış binalarının bünövrəsi isə təxmini 1 metr dərinlikdə olsun. Amma ola bilsin ki sürüşmə ərazisində ana süxur 20-50 metr dərinliyində olsun”.
Ekoloq bildirib ki, Bayıldakı sürüşmənin aktivləşməsinə səbəb yeraltı çaylardır: “Azərbaycanda yeraltı çaylar həddən artıq çoxdur. Dünya Bankının verdiyi məlumata görə Azərbaycan 2030-cu ildə su qıtlığı ilə üzləşəcək. Sürüşmə sahəsində yeraltı çayların olması onu sübut edir ki Azərbaycan su qıtlığı ilə üzləşməyəcək. Amma Bayılda tikintilərin davam etməsi yeraltı çayların istiqamətini dəyişə bilər ki bu da yeni sürüşmə sahələri yaranmasına səbəb olacaq”.
Ramid İbrahimov
